Cyrsiau

Mae Sefydliad Confucius yn cynnig dosbarthiadau gyda’r nos yn ystod yr wythnos ac ar fore Sadwrn mewn iaith Tsieineaidd (Mandarin) ynghyd â rhaglen amrywiol o ddosbarthiadau diwylliannol, seminarau, darlithiau a digwyddiadau arbennig.

Os na chewch gwrs sy'n addas ar eich cyfer, rhowch wybod i ni!  Bydd dosbarthiadau yn  ystod y diwrnod a rhai ychwanegol yn cael eu rhaglennu yn unol â’r galw.

Iaith a Diwylliant Tsieineaidd mewn Ysgolion

Mae Sefydliad Confucius yn darparu gwersi iaith Tsieinëeg mewn ysgolion neu Glybiau Tsieineaidd mewn ysgolion lleol yn unol â galwadau ysgolion. Yn ogystal, rydym yn cynnal gweithdai ymarferol mewn Diwylliant Tsieineaidd lle gall disgyblion brofi caligraffeg, crefft torri papur, a dawnsio Tsieineaidd, neu sut i ddefnyddio gweill bwyta drostynt eu hunain.

Rhaglen Breswyl mewn Iaith a Diwylliant Tsieineaidd

Nod y rhaglen breswyl yw cyflwyno myfyrwyr ysgolion uwchradd i iaith a diwylliant Tsieineaidd fel rhan o Fagloriaeth Cymru neu gymwysterau eraill. Yn ystod y cyfnod preswyl rydym yn cynnal darlithiau a sesiynau ar ddull gweithdy ar amrywiaeth o bynciau, er enghraifft:

  • Iaith a chaligraffeg
  • Ieuenctid a diwylliant ieuenctid Tsieina
  • Bwyd yn Tsieina
  • Crefyddau Tsieina
  • Y gymdeithas gyfoes
  • Hanes Tsieina

Caiff myfyrwyr hefyd gyfle i gymryd rhan mewn gweithgaredd cymdeithasol Tsieineaidd (cinio ar ddull Tsieineaidd, caraoce, ac ati). Cânt brofiad uniongyrchol o fywyd cymdeithasol Tsieina a’u hannog i ystyried yr hyn y mae byw mewn diwylliant estron yn ei olygu.

Gweithdai ar gyfer Hyfforddi Athrawon Tsieinëeg

Tsieinëeg yw’r iaith yw'r iaith gyntaf yn y byd o ran nifer ei siaradwyr. Mae’r galw am athrawon Tsieinëeg yn sicr o gynyddu yn y dyfodol. Mae Sefydliad Confucius Llambed yn cynnig addysg barhaus i athrawon Tsieinëeg a siaradwyr brodorol sy'n anelu at yrfa ym maes dysgu Tsieinëeg fel iaith dramor. Diddordeb? Holwch ni am ragor o fanylion!

Cysylltu â ni


Sefydliad Confucius 
Prifysgol Cymru
y Drindod Dewi Sant
Campws Llanbedr Pont Steffan
27 Stryd y Coleg
Llanbedr Pont Steffan
Ceredigion SA48 7ED
Ffôn: +44 (0) 1570 424860
E-bost: confuciusinstitute
@ydrindoddewisant.ac.uk