Ysgoloriaethau a Bwrsariaethau

Mae gan y Drindod Dewi Sant draddodiad cadarn o ddarparu bwrsariaethau wedi'u targedu. Rydym yn credu na ddylai ffioedd fod yn rhwystr i fyfyrwyr sy'n ystyried addysg uwch ac rydym wedi ymrwymo i ddenu a chefnogi’r myfyrwyr gorau.

Gyda hyn mewn golwg, rydym yn cynnig amrywiaeth o ysgoloriaethau a bwrsariaethau i gefnogi myfyrwyr talentog o bob cefndir. Os oes gennych y ddawn a’r gallu, rydym eisiau gwneud yn siŵr bod gennych y cyfle i astudio yma beth bynnag yw eich amgylchiadau ariannol.

Mae’r Gwobrau Rhagoriaeth Academaidd hyd at £ 1000. Gwobrwyir i’r myfyrwyr â’r sgôr UCAS uchaf sy’n cychwyn ar gwrs israddedig llawn-amser yn y Drindod Dewi Sant.

Mae'r Ysgoloriaethau Adrannol gwerth hyd at £ 1000. Dyfernir ar sail perfformiad cyffredinol myfyrwyr – ymdrech / presenoldeb / cyfraniad / safon gwaith / gweithgareddau allgyrsiol / brwdfrydedd.

Maent ar gael i fyfyrwyr yn y meysydd canlynol academaidd:

Archaeoleg, Hanes ac Anthropoleg
Busnes
Clasuron
Celfyddydau Creadigol
Astudiaethau Diwylliannol
Plentyndod Cynnar
Addysg a Hyfforddiant Cychwynnol Athrawon
Cyfiawnder Cymdeithasol a Chynhwysiant
Chwaraeon, Iechyd ac Addysg Awyr Agored
Celfyddydau Perfformio
Diwinyddiaeth, Astudiaethau Crefyddol ac Astudiaethau Islamaidd

Mae'r Brifysgol wedi ymrwymo i ddarparu cyfleoedd i fyfyrwyr i astudio rhan neu'r cyfan o'u cwrs drwy gyfrwng y Gymraeg os dymunant wneud hynny.

Mae’r Ysgoloriaethau Cyfrwng Cymraeg / Dwyieithog gwerth hyd at £ 600 neu £50 am bob 10 credyd a gwblheir yn llwyddiannus trwy gyfrwng y Gymraeg / yn ddwyieithog. Yn ogystal, mae’r Coleg Cymraeg yn cynnig ysgoloriaethau o hyd at £ 1,000 y flwyddyn ar gyfer astudio eich gradd trwy gyfrwng y Gymraeg (am ragor o wybodaeth, ewch i www.mantais.ac.uk.

Gwobrwyir Bwrsariaeth Y Drindod Dewi Sant hyd at £1000 i fyfyrwyr llawn-amser o deuluoedd incwm isel.

Mae’r Bwrsariaethau Preswyl hyd at £1000 ar agor i bob myfyriwr sy’n talu ffioedd llawn ac sydd wedi dynodi’r Drindod Dewi Sant fel dewis cyntaf.

Bwrsariaethau Addysg Bellach i Addysg Uwch

Mae’r nifer o fwrsariaethau gwerth hyd at £500 ar gael i fyfyrwyr sy’n symud ymlaen o AB i AU.

Rhaglenni Profiad Gwaith

Ar ôl i chi ddechrau ar eich cwrs, gallwch wneud cais am fwrsari i'ch galluogi i weithio yn ystod eich gwyliau haf. Gallwch gael hyd at £ 1,000 i weithio mewn cwmni neu sefydliad sy'n gysylltiedig â'ch astudiaethau gradd - gan roi hwb ychwanegol i’ch CV !

Cyfleusterau meithrinfa

Gall hyd at £700 fod ar gael i chi ei wario ar gyfleusterau meithrin yn Meithrinfeydd y Brifysgol - Y Gamfa Wen a Gwdihws. Mae'r bwrsariaeth yn destun prawf modd.

Talebau Addysgol

Mae hyd at £200 y person ar gael i fyfyrwyr sydd ag angen cymorth gyda chostau teithio / astudio dramor / offer ac ati yn gysylltiedig â’r cwrs.

Ysgoloriaeth Organ

Mae Ysgoloriaeth Organ ar gael i fyfyrwyr ar Gampws Llambed. Mae'n bosibl i pianydd cymwys heb unrhyw brofiad blaenorol o chwarae'r organ i fod yn gymwys. Am ragor o fanylion cysylltwch â Chaplan campws Llambed - m.hill@ydds.ac.uk.

Myfyrwyr rhyngwladol

Mae'r Brifysgol yn cynnig amrywiaeth o wobrau ar gyfer myfyrwyr rhyngwladol gan gynnwys ysgoloriaethau, profiad gwaith, a chronfa caledi sy'n darparu cymorth i fyfyrwyr rhyngwladol sy'n cael anawsterau ariannol. Mwy o wybodaeth...