Llysgenhadon Myfyrwyr

Mae Prifysgol Cymru y Drindod Dewi Sant yn cyflogi Llysgenhadon Myfyrwyr fel rhan o strategaeth ehangu mynediad y Brifysgol a’i gwaith yn y Partneriaethau Ymgyrraedd yn Ehangach, Ymgyrraedd yn Uwch. Rhan arall o’r gwaith yw gweithio yn yr Uned Farchnata a Chyfathrebu. 

Amcan gweithgareddau Ehangu Mynediad yw annog pobl i ystyried  Addysg Uwch, trwy godi eu hymwybyddiaeth, eu dyheadau a’u lefelau cyrhaeddiad.  Bwriadant hefyd gefnogi’r iaith a’r diwylliant Cymraeg a dwyieithrwydd ym maes Addysg Uwch.

Mae Llysgenhadon Myfyrwyr yn helpu i redeg gweithgareddau ehangu mynediad gyda phobl ifanc sy’n astudio mewn ysgolion uwchradd a Cholegau Addysg Bellach yn ogystal ag yn y gymuned ehangach. Anelir y gweithgareddau hyn yn arbennig at bobl nad ydynt yn ystyried Addysg Uwch er bod ganddynt y potensial i elwa arni.

Gallai’r digwyddiadau gael eu cynnal ar gampysau’r Brifysgol, neu mewn ysgol neu goleg neu allan yn y gymuned.  Gall digwyddiadau fod yn rhai cyffredinol neu yn benodol i bwnc. Gall fod digwyddiadau hefyd i rieni neu ofalwyr y bobl ifainc.  Gall digwyddiadau mewn ysgolion neu golegau gynnwys mentora a chynnal clybiau a gweithgareddau ar ôl ysgol.  

Ar gyfer y rhan fwyaf o’r gweithgareddau bydd angen i Lysgenhadon Myfyrwyr, ar ôl hyfforddiant, weithio gyda grwpiau bychain o fyfyrwyr ysgol neu goleg er mwyn:

• eu hannog i ystyried Addysg Uwch fel dewis ar gyfer y dyfodol;
• hwyluso gweithgareddau mewn grwpiau bychain;
• arwain trafodaethau grŵp;
• arwain teithiau o gwmpas y campws;
• rhoi gwybodaeth ac ateb cwestiynau ynglŷn â bywyd fel myfyriwr.

Bydd hyfforddiant a sesiynau briffio cyn pob digwyddiad, y bydd yn hanfodol i bawb fod yn bresennol ynddynt.

Bydd nifer o brosiectau yn y gymuned yn cael eu rhedeg yn ystod y flwyddyn a bydd angen i Lysgenhadon Myfyrwyr gael gwybodaeth benodol am sgiliau cynhyrchu i’r cyfryngau ar gyfer y gweithgaredd y bydd angen mentora aelodau o’r gymuned a phobl ifanc wrth iddynt wneud ffilmiau byr, gwe-lediadau ac ati. Rydym felly wrthi’n chwilio am geisiadau gan fyfyrwyr yn y disgyblaethau perthnasol ar gyfer y rolau hyn.

Mae’n bosibl hefyd y caiff Llysgenhadon Myfyrwyr eu cyflogi er mwyn hyrwyddo’r Brifysgol mewn gweithgareddau megis Ffeiri Addysg Uwch, Diwrnodau Agored, digwyddiadau UCAS ac ati. Yr Uned Farchnata a Chyfathrebu fydd yn cyflawni’r gwaith hwn.

Fe fydd pob un o’r Llysgenhadon Myfyrwyr yn cael ei gyfweld. 

Y cyflog presennol yw £6.41 yr awr. Gweler isod am ddisgrifiad swydd a manyleb yr unigolyn.

I gael rhagor o fanylion a/neu drafodaeth anffurfiol, cysylltwch â:

Trystan Rees
Swyddog Cyswllt Ehangu Mynediad

01267 676792
07875 974920

t.rees@ydrindoddewisant.ac.uk

Disgrifiad Swydd

1. Cynorthwyo’r Adran Marchnata a Chyfathrebu gyda’r gwaith o drefnu Diwrnodau Agored, Ymweliadau â'r Campws a Diwrnodau Ymweld UCAS.
2. Cynorthwyo gyda’r Adran Ehangu Mynediad a Marchnata a Chyfathrebu gyda’r gwaith o drefnu ymweliadau â’r Brifysgol ar gyfer ysgolion a cholegau.
3. Cynorthwyo’r Tîm Cysylltiadau Cyn-fyfyrwyr gyda’r gwaith o drefnu digwyddiadau i gyn-fyfyrwyr a gweithgareddau cysylltiedig eraill e.e. gwerthu nwyddau brand y Brifysgol adeg y seremoni raddio.
4. Ymweld ag ysgolion a cholegau a mynd ati i gymryd rhan a chynorthwyo gyda'r gwaith o gynnal gweithgareddau a chyflwyniadau.
5. Rhoi cyflwyniadau byr i grwpiau mawr o ddisgyblion a chynorthwyo grwpiau bach o ddisgyblion gyda gweithgareddau. 
6. Meithrin ymwybyddiaeth o’r ystod eang o gyrsiau, materion cyffredinol ynghylch bywyd myfyrwyr a datblygiadau mewnol y tu allan i’ch maes pwnc uniongyrchol.
7. Cefnogi gweithgareddau ymarferol gyda myfyrwyr iau yn y Brifysgol a thu allan ar fentrau lleol a chenedlaethol.
8. Cynorthwyo darpar fyfyrwyr i ddeall ac ymddiddori mewn addysg uwch trwy gynnig esiamplau cadarnhaol iddynt.
9. Ysgogi a chodi dyheadau’r myfyrwyr sy’n cymryd rhan yn y gweithgareddau. Mae’r gwaith hwn yn golygu bod yn ymwybodol o’r rhwystrau y mae rhai disgyblion yn eu hwynebu ac a allai eu rhwystro rhag manteisio ar addysg uwch.
10. Bod iddynt yn esiampl gadarnhaol o ran addysg uwch a Phrifysgol Cymru y Drindod Dewi Sant

Yn ogystal bydd gofyn i bob llysgennad gael Datgeliad Manwl gan y Swyddfa Cofnodion Troseddol

• Myfyrwyr Cyfredol
• Staff Cyfredol
• Cyhoeddiadau Brys

E-bost: vacancies@tsd.ac.uk

©Prifysgol Cymru Y Drindod Dewi Sant | Telerau ac Amodau | Hygyrchedd