Cynllun Hepgor Ffioedd Cyngor Cyllido Addysg Uwch Cymru (CCAUC) ar Gyfer Myfyrwyr Israddedig rhan-amser - Campws Caerfyrddin

Mae’r cynllun hwn ar gael i fyfyrwyr rhan-amser sy’n astudio rhwng 10 a 110 credyd ac yn cwrdd ag o leiaf un o’r amodau a nodir isod:

• Mae eich teulu’n derbyn un o’r canlynol:
  • Cymhorthdal Incwm
  • Lwfans Ceiswyr Gwaith
  • Credyd Pensiwn 
  • Budd-dal tai
  • Budd-dal y Dreth Gyngor
• Eich unig incwm fel ‘teulu’ yw budd-daliadau’r Adran Gwaith a Phensiynau
• Mae eich ‘teulu’ yn derbyn Credyd Treth Gwaith. Dylech nodi, o Ebrill 2003, fod y Credyd Treth i Deuluoedd sy’n Gweithio wedi cael ei ddisodli gan y Credyd Treth Plant a’r Credyd Treth Gwaith. Dim ond y myfyrwyr hynny sy’n derbyn Credyd Treth Gwaith sy’n gymwys i gael eu ffioedd wedi’u hepgor. Mae pawb sy’n ateb y maen prawf hwn yn gymwys. Fodd bynnag nid yw’r sawl sy’n derbyn Credyd Treth Plant yn unig yn gymwys i gael eu ffioedd wedi’u hepgor.

Mae'r myfyriwr yn derbyn un o'r canlynol:

• Lwfans Anabledd Difrifol
• Lwfans Byw Anabledd
• Lwfans Gweini
• Budd-dal Anabledd
• Lwfans Gofalwyr    

Sylwer bod y diffiniad o'r 'teulu' fel a ganlyn:-

• Myfyriwr hŷn sengl, neu
• Pâr priod neu ddibriod, neu
• Cwpl mewn partneriaeth sifil, neu 
• Pâr priod neu ddibriod, neu cwpl mewn partneriaeth sifil â phlant yn dibynnu arnynt, neu
• Rhiant sengl â phlant yn dibynnu arno/arni

Rhaid i fyfyrwyr byw yng Nghymru i fanteisio o'r Cynllun Hepgor Ffioedd 

Noder bod CCAUC wedi gosod uchafswm o £1200 fel y swm mae modd hawlio ar gyfer unrhyw fyfyriwr mewn blwyddyn academaidd

Ffurflen Gais

Cynllun Hepgor Ffioedd (pdf)

Manylion Pellach

Meriel Davies
Ffôn: 01267 676659
E-bost: m.davies@ydrindoddewisant.ac.uk