Gwasanaeth Gyrfaoedd - Campws Caerfyrddin
GO Wales
Mae rhaglen Go Wales yn cael ei chyllido gan Gronfa Gydgyfeirio’r Undeb Ewropeaidd a Llywodraeth Cynulliad Cymru. Gall GO Waleseich helpu chi i fod ar y blaen ym marchnad swyddi cystadleuol heddiw.
Mae gennym ni ystod eang o gyfleoedd profiad gwaith a swyddi yn ogystal ag amrywiaeth o adnoddau i’ch helpu chi i wneud y mwyaf o’ch profiad gwaith a datblygu eich gyrfa.
Blas ar Waith
Nid yw profiad gwaith â thâl bob amser yn bosibl, felly rydym yn trefnu cyfnodau o brofiad gwaith heb dâl ar gyfer myfyrwyr a graddedigion sy’n ceisio ennill ychydig o brofiad mewn swydd, diwydiant neu yrfa benodol. Mae nhw’n gyfan gwbl bwrpasol, wedi’u trefnu i fod yn addas i chi a’ch amserlen. Mae Blas ar Waith yn para rhwng 1 -10 diwrnod.
Cyflawnodd Alex Brady, un o fyfyrwyr Cyfryngau'r Brifysgol blas ar waith GO Wales gyda Parthian i gael profiad yn y diwydiant cyhoeddi.
Lleoliadau Gwaith
Dyma’r ffeithiau sylfaenol ynglŷn â’n cynllun lleoli:
- Fel rheol maent am gyfnod o 10 wythnos ac yn amser llawn.
- Telir o leiaf £250 yr wythnos i’r rheiny ar leoliadau.
- Cewch gyfle i ddatblygu eich sgiliau drwy weithio ar brosiect busnes go iawn i gyflogwr lleol.
- Cyflawnir cymhwyster yn seiliedig yn y gwaith a ddyluniwyd i’ch helpu i ddatblygu eich sgiliau busnes a phersonol.
- Gallwch ychwanegu ychydig o brofiad o ansawdd at eich CV.
- Mae llawer o’r lleoliadau yn arwain at fwy o waith gyda’r cwmni sy’n cyflogi.
Academi Raddedigion
Mae Academi Raddedigion GO Wales yn rhaglen hyfforddi chwe wythnos newydd wedi’i chynllunio i roi i raddedigion sy’n byw yng Nghymru, y sgiliau cyflogadwyedd allweddol hynny sydd yn gynyddol eu hangen ar gyflogwyr. Am fwy o fanylion ewch i http://www.gowales.co.uk/cy/graduate/graduateAcademy/index.html
Cronfa Hyfforddi a Datblygu Graddedigion
Ar gael i raddedigion sy’n gweithio mewn busnesau bach yng Nghymru. Gall SME* yng Nghymru gael mynediad at Gronfa Hyfforddi a Datblygu Graddedigion GO Wales i helpu i gefnogi costau hyfforddi eu staff ar lefel raddedig.
Mae’r gronfa’n helpu graddedigion i ddatblygu eu sgiliau a’u gwybodaeth ymhellach, ac ar yr un pryd, helpu cyflogwyr i lenwi bylchau sgiliau yn eu sefydliad.
Mae hyd at £1,500 y person ar gael ar gyfer hyfforddiant cymwys.
Os ydych chi’n gweithio mewn SME yng Nghymru, pam na wnewch chi ddod â’r gronfa hon at sylw eich cyflogwr?Am fwy o wybodaeth ymwelwch â tîm GO Wales yn Gwasanaethau Myfyrwyr.
Ffôn: 01267 676830
E-bost: gowales@ydrindoddewisant.ac.uk
Mae Go Wales yn falch i gefnogi Tîm Rygbi'r Brifysgol eleni.
Gallwch ddod o hyd i ragor o wybodaeth am swyddi gwag ar gronfa ddata GO Wales www.gowales.co.uk
Dilynwch GO Wales ar Facebook http://www.facebook.com/gowales a Twitter http://www.twitter.com/gowales er mwyn bod gyda’r cyntaf i glywed am leoliadau gwaith newydd a chyfleoedd gwaith i fyfyrwyr a graddedigion yng Nghymru.
