Gwasanaethau Reprograffig

Ein Gwasanaethau

Llungopïo Du a Gwyn

Copïo mwy nag 20 copi â phrint du neu 40 copi â phrint lliw.

Mae’n llungopiwyr digidol â gallu sylweddol yn caniatáu inni ddarparu gwasanaeth llungopïo cyflym, proffesiynol a chost-effeithiol.  Gellir coladu, plygu, styffylu a rhwymo dalennau wedi’u copïo yn llyfrynnau, neu’u cyflenwi fel dalennau rhydd.  (Plygu: A4 i A5, A3 i A4, A4 i 1/3 A4. Styffylu: un neu ddau stwffwl ar ochr y dalennau gwastad. Llyfrynnau: dalennau wedi’u plygu (A4 neu A3) ar ffurf llyfryn a’u styffylu yn y meingefn. Noder rhaid i’r nifer o dudalennau fod yn lluosrif o bedwar.)

Rydym yn cadw amrywiaeth eang o bapur a cherdyn lliw at eich dewis, yn cynnwys tryloywderau uwchdaflunydd.

Unwaith yr ystyriwch bapur, costau’r arlliwydd a ffactorau anghyfleustra ac amser, mae’n gwneud synnwyr da a chost-effeithiol i adael i’r Uned Reprograffeg gynhyrchu’ch llungopïau yn hytrach na defnyddio llungopïwr y swyddfa.

Argraffu â Lliwiau Sbot 

Pan fydd angen argraffu nifer mawr o gopïau dyma’r dewis mwyaf cost-effeithiol. Nifer cyfyngedig o liwiau sbot sydd ar gael (Pantone 281, Pantone 1665, du, coch a gwyrdd). Dyma’r broses a ddefnyddir i gynhyrchu nwyddau papur y Brifysgol.

Argraffu Fformat Llydan 

Argraffu lliw llawn A1 a Baneri (24” lled / hyd).

Dylunio a Chyhoeddi Bwrdd Gwaith

Mae’r Uned Reprograffeg yn cynnig gwasanaeth dylunio a chyhoeddi bwrdd gwaith cynhwysfawr i gwsmeriaid mewnol yn y Brifysgol a chleientiaid allanol yn ardal Llambed. Gyda blynyddoedd lawer o brofiad yn y diwydiant dylunio ac argraffu, gallwn gynnig atebion dylunio ac argraffu cyflawn. Sylweddolwn y gall y gwaith o gynhyrchu unrhyw lenyddiaeth hyrwyddo weithiau achosi pryder. Credwn mewn defnyddio’n harbenigedd a’n gwybodaeth i arwain y cwsmer drwy’r broses hon, o gam y cydsyniad a’r dylunio yr holl ffordd i’r cynnyrch argraffedig gorffenedig.

Rhwymo Arbenigol a Ffolderi

‘Fastback’: bydd stribed adlynol a selir drwy wres yn cael ei lapio o gwmpas y meingefn. Fe’i defnyddir yn arbennig ar gyfer rhwymo adroddiadau, cyflwyno traethodau hir, modylau a chyfuno nodiadau darlithoedd a thaflenni er mwyn gallu’u defnyddio’n rhwyddach. Gellir rhwymo hyd at 275 o dudalennau (yn ddibynnol ar drwch y papur) ymhob cyfrol.

‘Perffaith’: gludir tudalennau i mewn i glawr sy’n cael ei lapio o’u cwmpas (ar ddull llyfr clawr meddal).

‘Padio’: fe’i defnyddir fel arfer ar gyfer padiau rhwygo, a gludir y dalennau ar y brig neu’r meingefn.

Clawr caled yn cynnwys ffoil aur: fe’i defnyddir ar gyfer cyflwyniad terfynol traethawd hir neu pan fo angen gorffeniad o safon arbennig o uchel. Gellir gosod print ffoil aur ar y clawr a’r meingefn o fewn rhai cyfyngiadau, a gellir rhwymo hyd at 270 o dudalennau (yn ddibynnol ar drwch y papur) ymhob cyfrol.

Ffolderi: ffolderi poced cost-effeithiol wedi’u haddasu i’r cwsmer ac mewn amrywiaeth o feintiau, wedi’u hargraffu ar y tu mewn a’r tu allan.

Gorffennu

Darparwn wasanaeth coladu, pwytho, plygu a thocio llyfrynnau.

Plygu

Gallwn gynnig pum math o ddulliau plygu safonol: plygu sengl, plygu dwbl, plygu acordion afreolaidd, plygu llythyr a phlygu acordion. Gallwn blygu amrywiaeth eang o feintiau a phwysau gan gwmpasu popeth o lythyron i daflenni i fwydlenni.

Lamineiddio

Lamineiddio fformat llydan A4, A3, A1 a Baneri (24” lled / hyd). Mae lamineiddio A1 a Baneri ar gael gyda dewis o orffeniad mat neu sglein.

Cynigiwn wasanaeth lamineiddio o ansawdd uchel, sy’n golygu amgáu print ar ffurf copi caled mewn ffilm blastig sy’n gallu gwrthsefyll dŵr a golau uwchfioled. Mae’r gwasanaeth hwn yn arbennig o ddefnyddiol i’r sawl sy’n argraffu posteri arddangos, neu sydd am sicrhau y bydd ei waith argraffu’n parhau. Sylwer: Er ein bod yn ceisio sicrhau cyflawni’r holl waith i’r safonau uchaf, mae elfen o risg yn y broses lamineiddio. Felly, gofynnwn ichi ddeall mai ar risg y cleient y gwneir yr holl waith lamineiddio. Cymerwn bob gofal ond ni dderbyniwn unrhyw gyfrifoldeb am unrhyw niwed i ddogfennau yn sgil y broses lamineiddio.

Prynu Papur a Deunydd Argraffedig

Gan ein bod yn prynu cymaint o bapur yn flynyddol, cawn ddisgowntiau sylweddol gan fasnachwyr a chyflenwyr papur. Trosglwyddir y disgowntiau hyn i ddefnyddwyr y gwasanaeth sy’n dymuno prynu papur at lungopïo a dibenion eraill. Mae papur ag amrywiaeth eang o liwiau, ansawdd ac arddull ar gael. Cynigiwn gyngor i’r Brifysgol ar ei deunydd argraffedig a gallwn ddod o hyd i ffynhonnell allanol i unrhyw wasanaeth (argraffu arbenigol ac ati) na allwn ei wneud yn fewnol.

Meintiau papur ac amlenni

Cyfres A (Papur)

A0 A1 A2 A3 A4 A5 A6

841 x 1189 mm 594 x 841 mm 420 x 594 mm 297 x 420 mm 210 x 297 mm 148 x 210 mm 105 x 148 mm

33.1 x 46.81 mod 23.39 x 33.1 mod 16.54 x 23.39 mod 11.69 x 16.54 mod 8.27 x 11.69 mod 5.83 x 8.27 mod 4.13 x 5.83 mod

Cyfres C (Amlenni)

C0 C1 C2 C3 C4 C5 C6 C7 C8 C9 C10

917 x 1297 mm 648 x 917 mm 458 x 648 mm 324 x 458 mm 229 x 324 mm 162 x 229 mm 114 x 162 mm 81 x 114 mm 57 x 81 mm 40 x 57 mm 28 x 40 mm

36.10 x 51.06 mod 25.51 x 36.10 mod 18.03 x 25.51 mod 12.76 x 18.03 mod 9.02 x 12.76 mod 6.38 x 9.02 mod 4.49 x 6.38 mod 3.19 x 4.49 mod 2.24 x 3.19 mod 1.57 x 2.24 mod 1.10 x 1.57 mod