Arddangosfa Thomas Phillips
13eg - 16eg Ganrif
Jan Huygen van Linschoten. Nauigatio ac itinerarium Iohannis Hugonis Linscotani in orientalem siue Lusitanorum Indiam. Hague, 1599.
Ym 1584, teithiodd Linschoten (1563-1611) i Goa yng nghyflogaeth y teulu Fugger a oedd yn fancwyr masnachol. Pan oedd yn yr India copïodd fapiau a siartiau cyfrinachol o India’r Dwyrain a wnaed gan y Portwgeaid. Ar ôl dychwelyd i’r Iseldiroedd ym 1592, aeth ati i baratoi'i nodiadau a'i fapiau ar gyfer y cyhoeddwr Claeszoon yn Amsterdam mewn ymateb i’r diddordeb yn yr Iseldiroedd a gwledydd Ewropeaidd eraill ym mhosibiliadau masnachol Asia. Gan fod masnach â’r Dwyrain Pell yn dibynnu ar ffyrdd trwy America neu Affrica, byddai ei waith yn cwmpasu'r byd yn grwn yn y pen draw, gan gynnwys gweithgareddau Sbaen a Phortiwgal yn America. Itinerario Linschoten oedd y ffynhonnell sengl bwysicaf ynghylch India’r Dwyrain a’r Gorllewin a chyhoeddwyd argraffiadau lu ohono yn yr Isalmaenig, Lladin, Ffrangeg, Almaeneg a Saesneg.
