Arddangosfa Thomas Phillips
13eg - 16eg Ganrif
Terence. Comico Carmine. Strassburg, 1503.
Roedd Publius Terentius Afer (195/185–159 CC), sy’n fwy adnabyddus o dan yr enw Terens, yn ddramodydd comedi Rhufeinig. Fe’i ganed yn gaethwas, a’i gludo i Rufain, lle cafodd addysg a’i ryddid maes o law. Roedd ei ddramâu mydryddol yn seiliedig ar weithiau Groegaidd. Cafodd Terens wared ar y prolog o’r gweithiau gwreiddiol, defnyddiodd Ladin llafar cyfoes, a chyflwyno mesur o realaeth. Roedd ei waith yn ddylanwadol ar ddramodwyr diweddarach megis William Shakespeare.
