Arddangosfa Thomas Phillips
17eg Ganrif
Bartolome de Las Casas .Den vermeerderden spieghel der Spaensche tierannije. Amsterdam, 1621.
Ym 1621, ni adnewyddodd yr Iseldiroedd eu cytundeb heddwch â’u cyn-bŵer trefedigaethol, Sbaen, a daeth rhyfel yn fuan yn sgil hynny. Defnyddiwyd y gwaith hwn yn arf yn y frwydr bropaganda yn erbyn yr Eglwys Babyddol a Sbaen. Gwaith Bartolome de Las Casas (1474-1566), neu’r "Apostle yr Indiaid” fel y’i gelwid, ydoedd yn wreiddiol. Ordeiniwyd Las Casas yn Hispaniola ym 1512, ac ef o bosibl oedd y person cyntaf i’w urddo’n offeiriad yn America. Am ddau ddegawd a mwy, gwrthwynebodd yr awdurdodau Sbaenaidd yn lew am y modd yr oeddent yn cam-drin yr Indiaid. Ym 1547, dychwelodd i Sbaen er mwyn dadlau’n gyhoeddus o blaid efengylu’r Indiaid mewn modd heddychol.
