Arddangosfa Thomas Phillips
17eg Ganrif
Herman Hugo. De militia eqvestri antiqva et nova. Antwerp, 1630.
Dyma un o’r llawlyfrau cyntaf am reolau, tactegau a’r dulliau o drafod marchfilwyr. Fe’i cyhoeddwyd pan oedd y Rhyfel Deng Mlynedd ar Hugain (1618–1648) yn ei anterth. Caplan milwrol, y Jeswit Herman Hugo (1558-1629), oedd yr awdur ac mae’n fwy adnabyddus am ysgrifennu'r llyfr arwyddluniau llwyddiannus dros ben, Pia Desiderata. Er bod yr wynebddalen, a engrafwyd gan Cornelis Galle, disgybl o Peter Paul Rubens, yn alegorïaidd yn y dull Baróc llawn, mae’r platiau yn y llyfrau yn ddiagramau digon plaen sy’n dangos symudiadau marchfilwyr yn y maes. Bu farw Hugo ar faes y gad.
