Arddangosfa Thomas Phillips
18eg Ganrif
Sir George Staunton. An authentic account of an embassy from the King of Great Britain to the Emperor of China. London, 1797.
Tan y 1790au, yr unig beth yr oedd ymdrechion Prydain i sefydlu cysylltiad uniongyrchol â Tsieina wedi llwyddo i’w wneud oedd cynyddu gwrthwynebiad Tsieina i fasnach â'r byd oddi allan. Ym 1792, dewiswyd yr hen law diplomyddol, yr Arglwydd Macartney (1737-1806), i arwain Llysgenhadaeth a aeth ati i geisio sefydlu cysylltiadau diplomyddol rheolaidd rhwng y naill wlad a'r llall er mwyn hyrwyddo masnach. Ofer fu ymdrechion y Llysgenhadaeth a ddisgrifir gan y dyn a oedd yn Ysgrifennydd arni, Syr George Leonard Staunton (1737-1801). Dim ond deuddeng mlwydd oed oedd mab Staunton, George Thomas, ar y pryd ac aeth gyda hwy i Tsieina yn was i’r Arglwydd Macartney. George oedd yr unig aelod o’r genhadaeth a aeth i’r drafferth o ddysgu Tsieinëeg.
