Arddangosfa Thomas Phillips
18eg Ganrif
Thomas Pennant. The British zoology. Published under the inspection of the Cymmrodorion Society. London, 1766.
Mae’n debyg mai’r Cymro Thomas Pennant (1726-1798) oedd adaregydd mwyaf adnabyddus Prydain yn ystod y 18fed ganrif. Ym 1757, ar gais Carolus Linnaeus, cafodd ei ethol yn aelod o Gymdeithas Frenhinol Gwyddorau Sweden. Ym 1766 cyhoeddodd ran gyntaf ei British Zoology, sef yr ymgais gyntaf i restru a phortreadu pob un o rywogaethau Prydain. Wrth i'r gwaith fynd yn ei flaen, ymwelodd â’r cyfandir gan gyfarfod â Buffon.

