Arddangosfa Thomas Phillips
19eg Ganrif
Robert John Thornton. Temple of Flora, or Garden of Nature. London, 1807.
Mae’n debyg mai’r Temple of Flora, or Garden of Nature, y drydedd ran a’r olaf o waith Dr Robert John Thornton (1768–1837) New illustration of the sexual system of Carolus von Linnaeus, yw’r llyfr blodau mawr mwyaf ysblennydd ac enwocaf ohonynt i gyd. Yr wyth ar hugain o ddarluniau yn y Temple of Flora yw’r rhai mwyaf agored ddramatig yn hanes botaneg. Darlunnir pob planhigyn ar gefndir awgrymog sy’n dangos ei darddiad egsotig, y tymhorau a'r amseroedd y blodeua ynddynt, ei gysylltiadau emosiynol a’i arwyddocâd cymdeithasol a gwleidyddol. Roedd y llyfr yn fethiant masnachol a lyncodd gyfoeth Thornton. Mewn ymdrech i hyrwyddo’r gwaith, ym 1804 cynhaliodd arddangosfa o’r platiau gwreiddiol, ac ym 1811 awdurdodwyd ‘Loteri Fotanegol Frenhinol’ gan ddeddf seneddol. Gwerthodd 20,000 o docynnau am 2 gini'r un. Y wobr gyntaf oedd set o baentiadau gwreiddiol, ac roedd ei ddarluniau a’i destunau argraffedig ymhlith y gwobrau eraill. {0><}0{>Er gwaethaf ei ymdrechion i farchnata’i gyhoeddiadau, parhau i waethygu a wnaeth ei sefyllfa ariannol.<0} Pan fu farw ym 1837, roedd ei deulu bron yn gwbl amddifad.
