Gweld pob eitem o'r newyddion...

Y Drindod Dewi Sant yn ymateb i her cynaliadwyedd ac yn YSBRYDOLI

27.01.2012

Heddiw (27 Ionawr), bydd Prifysgol Cymru Y Drindod Dewi Sant yn ymateb i her cynaliadwyedd mewn ffordd strategol a chyfannol ac ymgorffori datblygu cynaliadwy ym mhrofiad y myfyrwyr drwy lansio INSPIRE - y Sefydliad newydd dros Arfer Cynaliadwy, Arloesi ac Effeithlonrwydd Adnoddau.

Mae INSPIRE yn rhan o fframwaith 'addas at y dyfodol' y Brifysgol sy'n ymgorffori Datblygu Cynaliadwy drwy'r addysgu ,dysgu, cwricwla, campws, cymuned a diwylliant y Drindod Dewi Sant. Y bwriad yw sicrhau bod graddedigion y dyfodol yn ddinasyddion byd-eang ac yn ymwybodol a chyfrifol yn yr 21ain ganrif.

O ganlyniad i'r fenter newydd hon, bydd myfyrwyr y dyfodol o 2013 yn mantiesio ar ‘Gwricwlwm Un Blaned’ fydd wedi ymgorffori yn eu hastudiaethau, bydd cyrsiau a modiwlau newydd yn cael eu datblygu ym mhob cyfadran a myfyrwyr yn cael y cyfle i gymryd rhan mewn mentrau cymdeithasol - i gyd wedi'u cynllunio i gynyddu cyflogadwyedd myfyrwyr a’u dealltwriaeth o'r byd. Dan arweiniad Jane Davidson (cyn-Weinidog dros yr Amgylchedd a Chynaliadwyedd yn Llywodraeth Cymru), bydd INSPIRE hefyd yn ymgysylltu â nifer eang o sefydliadau er mwyn datblygu arfer cynaliadwy ar draws pob sector yng Nghymru a thu hwnt.

Meddai’r Is-Ganghellor,yr Athro Medwin Hughes,

"Mae Prifysgol Cymru Y Drindod Dewi Sant wedi ymrwymo i hyrwyddo agenda cynaliadwyedd  mewn addysg uwch yng Nghymru ac i weithio gyda phob sector er mwyn cefnogi agenda cynaliadwyedd.Mae cynaliadwyedd wrth galon Prifysgol Cymru Y Drindod Dewi Sant, ni allwn barhau i ddefnyddio mwy o adnoddau nag y gall ein cefnogaeth un blaned.

Bydd INSPIRE yn ganolbwynt i arloesi ymarferol ym maes cynaliadwyedd a fydd yn gwneud gwahaniaeth i berfformiad y llywodraeth,  cadernid cymunedau a llwyddiant busnesau yn yr hir dymor.  Rydym wedi ymrwymo i ddarparu ar gyfer Cymru gynaliadwy, yn lleol, yn rhanbarthol, yn genedlaethol ac yn rhyngwladol. "

Ychwanegodd Jane Davidson:

“Mae’n fraint cael arwain y gwaith newydd hwn ym Mhrifysgol Cymru Y Drindod Dewi Sant, yn enwedig yng ngoleuni ei phartneriaethau presennol â’r sector addysg bellach ac ysgolion a’r uno arfaethedig â Phrifysgol Fetropolitan Abertawe.

Mae’r Drindod Dewi Sant eisoes wedi sicrhau ei le fel un o ddim ond dau sefydliad Cymreig ar raglen Academi Gwyrdd yr Academi Addysg Uwch ac o ganlyniad i fwrw ‘mlaen gyda’n hymrwymiad gynaliadwy ar draws y Brifysgol gyfan, rydym yn bwriadu arwain yr agenda Gynaliadwyedd yng Nghymru."

Daw’r Athro Hughes i’r casgliad:

"Mae'r Brifysgol yn ystyried ei rôl fel catalydd yn dwyn ynghyd asiantaethau ac unigolion sy'n gallu trawsnewid bywydau unigolion a chymunedau, yn enwedig o fewn rhanbarth y De-orllewin."

Bydd lansiad INSPIRE yn digwydd fel rhan o gynhadledd y Sefydliad Materion Cymreig ar 'Egwyddor Canolog Trefnu Deddfu ar gyfer Datblygu Cynaliadwy'  a gynhelir yn y Brifysgol ar ddydd Gwener 27 Ionawr 2012.

Mae croeso i Newyddiadurwyr fod yn bresennol.

Nodyn at y Golygydd

• Mae Prifysgol Cymru Y Drindod Dewi Sant yn gweithio gyda Phrifysgol Fetropolitan Abertawe a Phrifysgol Cymru i greu prifysgol gweddnewid o dan y Siarter Frenhinol hynaf unrhyw brifysgol yng Nghymru a Lloegr y tu allan i brifysgolion Rhydychen a Chaergrawnt. Bydd y Brifysgol drawsnewid yn gwasanaethu anghenion Cymru.
  
  
• Ym mis Chwefror 2011, cyhoeddodd Prifysgol Cymru Y Drindod Dewi Sant fod y brifysgol newydd yn uchelgeisiol i arwain agenda Cymru ar gynaliadwyedd ac yn ceisio datganiadau o ddiddordeb i ddatblygu Sefydliad newydd dros Gynaliadwyedd i Gymru fyddai’n canolbwyntio ar weithredu ac yn gyrru ymchwil cymdeithasol, amgylcheddol a chanlyniadau economaidd. Galwodd y Brifysgol am gynigion i:
  
  
  • Cefnogi datblygiad yr ardal fel rhanbarth carbon isel,
  • Datblygu arferion cynaladwyedd penodol mewn lleoliad gwledig
  • Datblygu cymdeithas traws-enghreifftiau o gynaliadwyedd yn ymarferol
  • Dylanwadu ar arferion y sefydliad presennol a newydd
  • Datblygu i gefnogi'r agenda ADCDF yng Nghymru
  • Datblygu partneriaethau gyda sefydliadau / sefydliadau gydag agenda tebyg

• Daeth rhyw 50 mynegiant o ddiddordeb i law a chytunwyd ar gais Jane Davidson a gefnogwyd gan Peter Davies ac Andy Middleton i ddatblygu'r agenda hon. (Yn flaenorol, roedd Jane Davidson yn Weinidog gyda chyfrifoldeb dros yr Amgylchedd a Chynaliadwyedd Cymru, Peter Davies yw'r Comisiynydd presennol ar gyfer Dyfodol Cynaliadwy yng Nghymru ac Andy Middleton yw Rheolwr Gyfarwyddwr  TYF, sef cwmni antur ,cynaladwyedd ac addysg yn Nhŷ Ddewi ).
  
  
• Dechreuodd Jane Davidson yn ei swydd newydd ym Mhrifysgol Cymru Y Drindod Dewi Sant ar 1 Medi, 2011
  
  
• Dilynwch ni ar Twitter ar twitter.com/drindoddewisant.  Newyddion ar gael yn www.trinitysaintdavid.ac.uk/en/rssfeeds

Elinor Howells 01570 424 859 e.howells @ ydds.ac.uk

Gwybodaeth Bellach

Elinor Howells
01570 424859
e.howells@ydds.ac.uk