Myfyrwyr Ôl-raddedig
Diwrnod Cofrestru
Cynhelir Diwrnod Cofrestru Myfyrwyr ôl-raddedig ar 29fed Medi 2010, rhwng 3.30 a 6.30 y.p., yn yr Hen Goleg (Ystafell HG 2/3/4).
Dogfennau y mae eu Hangen ar gyfer Cofrestru
Yn ystod y broses gofrestru, bydd gofyn ichi ddarparu dogfennau yn brawf o bwy ydych ac o'ch cymwysterau blaenorol. Bydd angen ichi ddangos dogfennau gwreiddiol yn ogystal â darparu llungopiau a fydd yn cael eu cadw ar eich ffeil yn y Gofrestrfa.
Gweler Dogfennau Cofrestru eu Hangen gan Fyfyrwyr Ol-Raddedig am restr o'r holl ddogfennau gwreiddiol a'r llungopiau bydd eu hangen.
Ffurflen Fatricwleiddio Myfyrwyr Ôl-radd
Y mae'n ofynnol i bob myfyriwr ôl-radd i gwblhau'r Ffurflen Matricleiddio Olraddedig. Llenwch y ffurflen a dewch â hi gyda chi ar Ddiwrnod Cofrestru.
Gwybodaeth Feddygol
Yn ogystal â darparu'r ddogfennaeth bersonol y cyfeirir ati uchod, bydd angen ichi gwblhau Holiadur Meddygol byr a fydd yn cael ei gadw yn gyfrinachol ar eich ffeil yn y Gofrestrfa. Y mae'r holiadur eisoes wedi cael ei bostio atoch. Cwblhewch yr holiadur a'i gyflwyno yn ystod Cofrestru.
Y mae'r Brifysgol yn argymell eich bod yn cofrestru gyda meddygfa leol. Bydd cynrychiolwyr o Feddygfa San Pedr, Caerfyrddin, yn bresennol ar Ddiwrnod Cofrestru. Os hoffech gofrestru gyda'r feddygfa, llenwch y Holiadur Meddygfa San Pedr i Gleifion Newydd a dewch â'r ffurflen gyda chi ar Ddiwrnod Cofrestru.
Y mae'n bwysig eich bod yn darllen y wybodaeth gyfredol a'r cyngor sydd ar gael i fyfyrwyr ynghylch y Ffliw Moch, a hefyd y wybodaeth ar Ymlediad Clwyr Pennau a Llid yr Ymennydd ac Imiwneiddiadau.
Cymorth i Oroesi
Y mae'r ddogfen Cymorth i Oroesi yn cynnig pob math o wybodaeth ar wahanol agweddau o fywyd Prifysgol. Bydd copi caled yn cael ei roi ichi ar Ddiwrnod Cofrestru.
Cyllid Myfyrwyr
Am wybodaeth ar bob agwedd yn ymwneud â chyllid, o Daliadau Ffioedd Dysgu i Fwrsiau ac Ysgoloriaethau, gweler Cyllid Myfyrwyr.
Datganiadau Myfyrwyr
Y mae'r Datganiad Cofrestru yn nodi ar ba delerau y mae'r Brifysgol yn eich derbyn ar raglen. Yn ystod Cofrestru, bydd angen ichi gadarnhau eich bod wedi darllen a deall cynnwys y ddogfen a'ch bod yn cytuno i dderbyn yr amodau a'r telerau.
Bydd hefyd angen ichi gadarnhau eich bod yn derbyn telerau ac amodau'r Gwasanaeth Canfod Llen Ladrad a ddefnyddir gan y Brifysgol.
Darllenwch y ddwy ddogfen o flaenllaw os gwelwch yn dda.
Y Ganolfan Chwaraeon a Ffitrwydd
Gall pob myfyriwr ddod yn aelod o'r Ganolfan Chwaraeon a Ffitrwydd sydd ar y campws. Y mae cynnig arbennig ar gael i fyfyrwyr sy'n ymuno cyn 31ain Hydref: Canolfan Ffitrwydd a Chwaraeon Cynnig.
Gwybodaeth i'r Asiantaeth Ystadegau Addysg Uwch (AYAU / HESA)
Bydd rhaid i'r Brifysgol anfon data amdanoch i'r Asiantaeth Addysg Uwch a fydd yn ei thro yn trosglwyddo'r data i gyrff eraill y mae angen y wybodaeth arnynt i gyflawni eu swyddogaethau statudol mewn perthynas â chyllido addysg uwch. Ceir manylion pellach ar HESA Hysbysiad Casglu Data Myfyrwyr.
Os oes gennych unrhyw gwestiynau, cysylltwch â'r Gofrestrfa.
Dysgu Cymraeg
Mae croeso i fyfyrwyr sydd â diddordeb mewn dysgu neu wella eu Cymraeg gofrestru ar un o'n cyrsiau Cymraeg i Oedolion. Mae digon o ddewis ar gael ar bob lefel a does dim rhaid i fyfyrwyr llawn amser dalu. Gellir gweld manylion y cyrsiau a sut i gofrestru ar y linc isod.
