Myfyrwyr

Newyddion o grwpiau newydd:

Ar hyn o bryd mae gennym grwpiau yn Aberystwyth, Hwlffordd, Caerfyrddin, Merthyr, Pontypridd, Llandudno, Conwy, Caerdydd, Abertawe a Chaerffili.  

Cynigir grwpiau newydd yn 2011 yn dilyn cyllid ychwanegol oddi wrth y Cynulliad yng Nghymru.

Mae Ysgol Plentyndod Cynnar yn recriwtio myfyrwyr yn Ne Dwyrain a Gogledd Dwyrain Cymru ar gyfer y Dystysgrif Addysg Uwch yn y Gymraeg ac Ymarfer Dwyieithog yn y Blynyddoedd Cynnar (Lefel 4).

Sachau Stori

Lluniau o fyfyrwyr grŵp Caerfyrddin yn mwynhau rhannu eu sachau stori, fel rhan o aseiniad modiwl Blas ar Iaith 3.

Dyfyniadau gan fyfyrwyr

Rhesymau dros ymuno â'r cwrs

I fedru defnyddio mwy o'r Gymraeg gyda phlant bach yn y gwaith.

Rydw i'n gweithio mewn cylch chwarae Cymraeg ac angen help!

I fedru mynd nôl â'r Gymraeg i'r Feithrinfa.

Rydw i am wella'm sgiliau dwyieithog a hyrwyddo sgiliau dwyieithog drwy'r ysgol.

I wella 'ngwybodaeth a'r ffordd rwy'n ynganu'r Gymraeg wrth weithio gyda phlant bach (gan 'mod i wedi cymhwyso fe athrawes ar gyfer yr oed yma).

I fagu mwy o eirfa a hyder i weithio gyda phlant bach yn ddwyieithog.

I weithio gyda chydweithwyr i hyrwyddo dwyieithrwydd.

I ddysgu digon o Gymraeg i'w defnyddio yn yr uned asesu; i gryfhau dwyieithrwydd yn yr ysgol.

I fedru siarad â phlant Cymraeg eu hiaith yn y feithrinfa lle rwy'n gweithio.

Bendigedig!

I ddysgu sut i gynnwys y Gymraeg ym mywyd bob dydd y feithrinfa.

Sut mae'r cwrs yn mynd cyn belled?

Da iawn. Mae'r cwrs yn ymarferol iawn ac yn llawn gwybodaeth. Digon o syniadau ymhob sesiwn.

Yn help mawr. Mae'n gyfle i ymlacio a chael hwyl.

Da iawn. Mae'r tiwtor yn dda; mae'n amyneddgar ac yn esbonio'n dda.

Ardderchog. Mae'n hawdd i'w ddilyn.

Rwyn mwynhau'n fawr. Mae 'na nifer o syniadau ymarferol; ardderchog; tiwtor brwd; digon o gynnwys.

Da iawn. Addas iawn ar gyfer gweithio gyda phlant, gyda chaneuon a gêmau i ennyn diddordeb ac awydd plant i ddysgu.

Ardderchog. Hyfforddwr da, gydag adnoddau rhagorol sy'n addas ar gyfer y stafell ddosbarth; gweithgareddau da yn ystod y sesiwn a'r cyfan yn symud yn dda.

Mae'r cwrs yn werthfawr; rydw i'n mwynhau ac yn dechrau cael mwy o hyder i ddefnyddio brawddegau / ymadroddion byr.

Rwy'n dysgu llawer o'r cwrs hyd yn hyn. Rydw i wedi llwyddo i ddefnyddio peth o'r gwaith yn barod ac mae wedi bod yn help i mi fedru siarad â dau o'r plant bach sy' gyda ni sy'n siarad Cymraeg.

Mae'n symud yn dda; rwy'n gallu deall yn iawn.

Rwy'n dysgu'n ara' ond yn mwynhau.

Rhai syniadau da er mwyn gwneud y Gymraeg yn hwyl i'r plant.

Rydw i'n defnyddio nifer o'r syniadau yn y dosbarth yn barod ac yn gweld y budd.